නිවැරදි ධර්මය සැමදා විද්‍යමාන නොවේ..... අධර්මයෙන් එය වැසීයමින් පවතී......
මේ මම කියල උපාදාන වශයෙන් හසු වෙච්ච ස්කන්ධය මට දුකක් ගෙන දෙනවමයි කියල දන්නව. මේ මගේ දරුව මේ මගේ ගෙදර කියල මගේ උපාදානයට හසු වෙච්ච ස්කන්ධය වෙනස් වෙන දවසට මට දුක එනවා මයි කියල දන්නව. මේ රත්තරන් මේ මුතු මැණික් මේ රිදී කියල මේව වටිනව කියල මට දැනෙනකමට කියනව කාම උපාදානය කියල. මගේ කාම උපාදානයට හසු වෙච්ච ස්කන්ධ ටිකට කියනව උපාදානස්කන්ධය කියල. උපාදානක්ඛන්ධා දුක්ඛා...මගේ උපාදානයට හමු වෙච්ච ස්කන්ධ ටික දුකක්. ඒ කියන්නෙ මේ කෝප්පෙ ගොඩක් වටිනව කියල මට දැනෙනව. වටිනාකම දැනෙනකමට කියනව කාම උපාදානය කියල. මට දැනෙනව. මේ රූපෙට කියනව උපාදනෙට හිත ස්කන්ධය කියල. ගොඩාක් වටිනව කියල පෙනෙනකම තියෙන්නෙ කා ගාව ද? මං ගාව. ඒකට කියනව කාම උපාදානය කියල. මගේ උපාදානය පවත්වන්න පවතින්න උපකාරක වස්තූන් මොනව ද? මේ රූපය (කෝප්පය). මේ රූපෙට කියනව මොකක් ද? උපාදානස්කන්ධය. උපාදානයට හිත ස්කන්ධය. මම මේ රූපය වටිනවා කියල හිතාගෙන ඉන්නව. දැන් මගේ උපාදානයට හිත ස්කන්ධ ටිකෙන් මට දුක එනව. ඒ කියන්නෙ මම උපාදානය වශයෙන් මේ රූපය අල්ලගෙන ඉන්නව කෝප්පෙ හොඳයි කියල. මේක කැඩුණු ගමන් ම මට දුක එනව. ඒ හින්ද එයා දන්නව උපාදානක්ඛන්ධා දුක්ඛා. පුද්ගලයො හැටියට සත්ත්වයො හැටියට වටිනාකම හැටියට මගේ මේ උපාදානයට හසු වෙච්ච මේ ස්කන්ධ ටික දුකමයි කියල දන්නව. දුක්ඛ සත්‍යයේ සත්‍ය ඥානය තියෙනව. දුකට හේතුව තණ්හා උපාදානයයි කියල මේව වටිනාකමට සත්ත්වභාවයට ඇති කරගෙන තියෙන අදහස් ටිකකුයි කියල හැඟීම් ටිකකුයි කියල දන්නව. සමුදය සත්‍යයේ සත්‍ය ඥානය තියෙනව. මේ ස්කන්ධ ටික වටිනාකමක් හැටියට සත්ත්ව පුද්ගලභාවයට පෙනෙනකම නැති කළොත් දුක නැති කළ හැකියි කියල නිරෝධ සත්‍යයේ සත්‍ය ඥානය තියෙනව. ශීලයක පිහිටල සමාධිය වඩල ඇත්ත ඇති හැටියෙන් බලල මේ සමුදය ප්‍රහානය කළ හැකියි කියල, නිරෝධය සාක්ෂාත් කළ හැකියි, මේ පංච උපාදානස්කන්ධය පිරිසිඳ දැකිය හැකියි කියල නුවණ තියෙනව. ඒකට කියනව මාර්ග සත්‍යයේ සත්‍ය ඥානය කියල. ඔය ටික තේරෙනකොට දිට්ඨි සම්පන්නයි. ඒ කියන්නෙ සත්‍ය ඥානය පහළ වෙලා. ඊට පස්සෙ කෘත්‍ය ඥානය. ඊට පස්සෙයි භාවනා කරන්න හම්බ වෙන්නෙ අපිට. මොකක්ද ඒ? මේ දුක එන ස්කන්ධ ටික පිරිසිඳ දකිනව.
මෙතන රූපය සතර මහා ධාතුයි නේ ද? සමුදය ප්‍රහානය කරනව. කෝප්පෙ වටිනව කියන අදහස ගෙවනව ටික ටික. මෙතන ඇත්ත පෙන්න පෙන්න සමුදය ප්‍රහානය කරනව, ගෙවනව. මේක ගෙවෙන්න ගෙවෙන්න මේක වටිනව කියල බලනකම පෙනෙනකම නිරුද්ධ වෙනව. එතකොට මාර්ගය වඩල ඉවර වෙනකොට කෝප්පය කැඩුණම එන්න තියෙන දුකින් නිදහස්. කෘත ඥානය එනකොට මේ විදියට ලෝකයේ ජරා මරණ දුක එන සිද්ධාන්තයෙන් මිදිල. රූප වේදනා සංඥා සංඛාර විඤ්ඤාණ කියන ස්කන්ධ ටික පිරිසිඳ දැකල. මේව සත්ත්වයෝ පුද්ගලයෝ වටිනවා කියල පෙන්නපු ක්ලේශය ගෙවිල. මාර්ගය වඩල ඉවරයි. සමුදය ප්‍රහානය වෙලා. නිරෝධය සාක්ෂාත් වෙලා. ස්කන්ධ පිරිසිඳ දැකලා. ඕකට කියනවා රහත් වුණා කියල. පින්වතුනි, ඉවුරක් අද්දර ඉඳල එක පාරට වතුරට පනිනව වගේ අපි එක පාරට නිවනට වැටෙන්නෙ නෑ. අනුපූර්ව ක්‍රමයක් අනුපූර්ව ශිකෂාවක් තියෙන්නෙ. ආශ්‍රව ක්ෂය වෙනව කියල කියන්නෙ. ගානකොට එක පාරට ම නැති වෙනව ද? නෑ. ටික ටික නේ ද උරච්චි කරනකොට ගෙවෙන්නෙ. ඒ වගේ මේ ඇත්ත බලන්න බලන්න පුද්ගලභාවයේ වටිනාකම ටික ටික ගෙවෙනව. ක්ෂය වෙනව.
